Ֆուաթ Օքթայ. Ադրբեջանի օկուպացիայից ազատագրված տարածքներում մեծ առաջընթաց է նկատվում

1992 թվականին Հայաստանի նախկին իշխանությունները փորձեցին աշխարհին ներկայացնել՝ Խոջալուի կոտորածի հետ կապված իրադարձությունների ամբողջությամբ խեղաթյուրված վարկածը։
 
Այս մասին Caliber.Az-ին հայտնել ՝է Թուրքիայի խորհրդարանի արտաքին կապերի կոմիտեի նախագահ Ֆուաթ Օքթայը։
 
«Ցավոք, այն ժամանակ արևմտյան որոշ երկրների խորհրդարաններ աջակցեցին Հայաստանին և հայկական լոբբիին։ Այսօր այդ աջակցությունը շարունակվում է, մասնավորապես Ֆրանսիայի կողմից։ Միացել են նաև այն երկրները, որոնք Թուրքիան համարում է իր դաշնակիցները։ Արևմուտքի երկակի ստանդարտները դեռ պահպանվում են. Պատկերացրեք, որ չնայած ադրբեջանական տարածքների 20%-ի օկուպացմանը, նրանք փորձում էին թյուր տպավորություն ստեղծել, թե իբր հայկական հողերն օկուպացվել են։ Իրենց գործողություններից ուշադրությունը շեղելու համար նրանք անհիմն մեղադրանքներ են ներկայացրել 1915 թվականին Թուրքիայի կողմից հայերի ենթադրյալ ցեղասպանության վերաբերյալ։ Բայց նրանք հաշվի չէին առել, որ պատմական փաստերն անխուսափելիորեն ջրի երես են դուրս գալու։ Այժմ և՛ Ադրբեջանը, և՛ Թուրքիան մեծ աշխատանք են տանում ճշմարտությունը համաշխարհային հանրությանը ներկայացնելու համար՝ օգտագործելով հիմնավորված ապացույցներ և փաստաթղթեր»,- նշել է կոմիտեի նախագահը։
 
Խոսելով «Պառլամենտարիզմ. ավանդույթներ և հեռանկարներ» միջազգային խորհրդարանական համաժողովի մասնակիցների՝ Ադրբեջանի օկուպացիայից ազատագրված տարածքներ կատարած այցի մասին՝ Ֆուաթ Օքթայն ընդգծել է վերականգնման և բարեկարգման լայնածավալ աշխատանքները.
 
«Մեզ համար այս ուղևորության ամենահրաշալի բանն այն էր, որ Խանքենդին, Շուշան, Խոջալուն և մնացած բոլոր տարածքները ազատագրվել են և գտնվում են Ադրբեջանի վերահսկողության տակ։ Այս այցի ընթացքում, հատկապես Շուշայում, մենք տեսանք ահռելի առաջընթաց՝ ազատագրված տարածքների վերականգնման գործում։ Այստեղ Ֆիզուլիից ճանապարհին ականատես եղանք հողերի մշակմանը, ինչպես նաև Ֆիզուլիի ու Շուշայի լայնածավալ վերակառուցմանը»։