Յալչըն Ռաֆիևը՝ Փարիզի համաձայնագրի նպատակներին հասնելու համար կլիմայի ֆինանսավորման անհրաժեշտության մասին

Կլիմայի ֆինանսավորումը կարևորագույն գործոն է Փարիզի համաձայնագրի նպատակներին հասնելու համար, ներառյալ ջերմոցային գազերի արտանետումները նվազեցնելը:
 
Ըստ Report-ի՝ այս մասին հայտարարել է՝ Ադրբեջանի փոխարտգործնախարար, COP29-ի գլխավոր բանակցող Յալչըն Ռաֆիևը։
 
«Կլիմայական աղետները, որոնք այսօր ավելի հաճախակի են դառնում, ընդգծում են կլիմայական գործողությունների անհետաձգելիությունը։ COP29-ը մեր հնարավորությունն է՝ ցույց տալու աշխարհին, որ մենք կարող ենք միավորվել կլիմայական ճգնաժամի դեմ պայքարում»,- ասել է նա։
 
Նրա խոսքով COP29-ի նախագահությունը համարում է, որ Բազմակողմ զարգացման բանկերի բարեփոխումները կարևոր նշանակություն ունեն  մեծ ծավալի մատչելի երկարաժամկետ ռեսուրսներ ներգրավելու համար:
 
«COP29 բանակցությունների գլխավոր առաջնահերթությունը՝ կլիմայի ֆինանսավորման նոր հավաքական քանակական նպատակի (NCQG) շուրջ համաձայնությունն է՝ կլիմայի փոփոխության դեմ պայքարի ոլորտում, որը հաշվի կառնի խնդրի հրատապությունն ու մասշտաբը, զարգացող երկրների կարիքներն ու առաջնահերթությունները»,- ասել է նա։