Ադրբեջանն ու Օմանը քննարկել են տնտեսական համագործակցության ընդլայնումը

Ադրբեջանի էկոնոմիկայի նախարար Միքայիլ Ջաբբարովը հանդիպել է իր օմանցի գործընկեր Սաիդ բին Մոհամմեդ բին Ահմեդ ալ-Սաքրիի հետ։

Caliber.Az-ի փոխանցմամբ՝ նախարարն այս մասին գրել է Х սոցիալական ցանցի իր էջում։

«Օմանի էկոնոմիկայի նախարար Սաիդ բին Մոհամմեդ բին Ահմեդ ալ-Սաքրիի հետ հանդիպման ժամանակ քննարկեցինք երկկողմ տնտեսական հարաբերությունների հետագա ամրապնդման հնարավորությունները։

Ընդգծեցինք համատեղ գործունեությունը խթանելու համար իրավապայմանագրային բազայի կատարելագործման կարևորությունը, քննարկեցինք Ադրբեջան-Օման համատեղ գործարար խորհուրդ ստեղծելու հեռանկարները, ուսումնասիրեցինք առևտրի, վերականգնվող և ավանդական էներգիայի, ներդրումների, զբոսաշրջության և այլ ոլորտներում համագործակցության ընդլայնման ուղիները», - գրել է Ջաբբարովը։