Փոխնախագահ. Մեր նպատակն է կառուցել ուժեղ Թուրքիա և ուժեղ Ադրբեջան

Մեծ առաջնորդ Հեյդար Ալիևի կողմից հռչակված և մեր ընդհանուր կարգախոսը դարձած՝ «Մեկ ազգ, երկու պետություն» սկզբունքը, առաջին հերթին, արտացոլում է ցանկացած առաջընթացի ոգին և մեթոդաբանությունը, այդ թվում՝ առևտրատնտեսական կապերը:
 
Ինչպես հաղորդում է Oxu.Az-ը, այս մասին հայտարարել է Թուրքիայի փոխնախագահ Ջևդեթ Յըլմազը՝ Ադրբեջան-Թուրքիա 2-րդ ներդրումային ֆորումում իր ելույթում։
 
Նա ընդգծել է, որ ներկայիս համաշխարհային ճգնաժամերը հստակ ցույց են տալիս՝ գիտելիքների և փորձի փոխանակման կարևորությունը։
 
«Մեր միասնության հնարավորությունների  շնորհիվ մեր համագործակցությունն ամրապնդելով՝ մենք կարող ենք մեր տարածաշրջանի առջև ծառացած մարտահրավերները վերածել նոր հնարավորությունների։
 
Մեր ժողովուրդների բարեկեցությունը բարելավելու համար առևտրատնտեսական հարաբերությունների զարգացումը՝ պատմության և ներկայիս բարենպաստ հանգամանքների կողմից մեզ վստահված խնդիր է։ Մեր պարտականությունն է լավագույնս արձագանքել այս մարտահրավերին։ Մեր նպատակն է կառուցել ուժեղ Թուրքիա, ուժեղ Ադրբեջան և բարգավաճ տարածաշրջան, որտեղ տիրում է խաղաղություն և կայունություն։ «Քաղաքական կայունությունը ձեզ համար ամենամեծ երաշխիքն է, հարգելի՛ ձեռնարկատերեր»։ Մեր հարգարժան նախագահների կողմից սահմանված տեսլականը հանդիսանում է ամենաուժեղ կամքը, որը վերացնում է մեր ճանապարհին առկա խոչընդոտները», - ասել էՋ. Յըլմազը։
 
Նա նաև հավելել է, որ ռուս-ուկրաինական պատերազմի հետ կապված մեծացել է Միջին միջանցքի օգտագործման գրավչությունն ու ներուժը. «Այս համատեքստում մենք շարունակում ենք համագործակցությունը Ադրբեջանի հետ, որը հանդիսանույմ է Միջին միջանցքի հիմնական բաղադրիչներից մեկը»։