Նախարար. Ադրբեջանում սոցիալական բարեփոխումների փաթեթները վերաբերում են չորս միլիոն քաղաքացու

2018 թվականից ի վեր Ադրբեջանն իրականացրել է հինգ սոցիալական բարեփոխումների փաթեթ, որոնք վերաբերում են չորս միլիոն քաղաքացու։

Trend-ի փոխանցմամբ՝ այս մասին Բաքվում Ադրբեջանի արհմիությունների կոնֆեդերացիայի 8-րդ համագումարում հայտարարել է աշխատանքի և բնակչության սոցիալական պաշտպանության նախարար Անար Ալիևը։

Նրա խոսքով՝ Ադրբեջանում իրականացվում են լայնածավալ և հետևողական սոցիալական բարեփոխումներ. «Մշակվում են բնակչության սոցիալական բարեկեցությանը նպաստող նոր մեխանիզմներ, և քաղաքացիների սոցիալական ապահովվածության հարցը մշտապես գտնվում է ուշադրության կենտրոնում՝ որպես պետական քաղաքականության առաջնահերթ ուղղություններից մեկը։ 2018 թվականից ի վեր իրականացվել է սոցիալական բարեփոխումների հինգ փաթեթ, որոնք ընդգրկում են չորս միլիոն քաղաքացու։ Այս բարեփոխումներից առաջացած տարեկան լրացուցիչ ֆինանսական բեռը կազմել է 7.6 միլիարդ մանաթ։

Աշխատանքային հարաբերությունների օրինականացման գործում զգալի առաջընթաց է գրանցվել։ Աշխատանքային պայմանագրերի թիվն աճել է 45%-ով՝ հասնելով 1.9 միլիոնի, իսկ երկրում աշխատավարձերի ֆոդն աճել է 3.2 անգամ։

Նվազագույն աշխատավարձը բարձրացել է 3.1 անգամ՝ հասնելով 400 մանաթի, մինչդեռ միջին ամսական աշխատավարձը կրկնապատկվել է՝ հասնելով 886 մանաթի։ Նվազագույն կենսաթոշակը բարձրացել է 2.9 անգամ՝ հասնելով 320 մանաթի, մինչդեռ միջին ամսական կենսաթոշակը բարձրացել է 2.6 անգամ՝ հասնելով 540 մանաթի։