Նախարար. Ադրբեջանը Թուրքիայում ներդրել է ավելի քան 21 միլիարդ դոլար

2024 թվականի արդյունքներով Թուրքիայի և Ադրբեջանի միջև առևտրաշրջանառությունը հասել է մոտ 8 միլիարդ դոլարի։

Report-ի փոխանցմանբ՝ այս մասին լրագրողներին ասել է Թուրքիայի առևտրի նախարար Օմեր Բոլաթը Թուրք-ադրբեջանական գործարարների և արդյունաբերողների հասարակական միավորման (TÜİB) նախագահ Հուսեյն Բույուկֆիրատի հետ հանդիպումից հետո։

Նրա խոսքով՝ Բաքվում (հաջորդ շաբաթ, խմբ.) կայանալիք Ադրբեջան-Թուրքիա 2-րդ ներդրումային ֆորումի նպատակն է ստեղծել գործարարների միջև փոխգործակցության հնարավորություններ, քննարկել ներդրումային նախագծեր և բացահայտել այն ոլորտները, որտեղ կարելի է ավելացնել առևտուրը. «Մինչ օրս Թուրքիայից ներդրողները 17 միլիարդ դոլար են ներդրել Ադրբեջանում։ Միևնույն ժամանակ, Ադրբեջանը Թուրքիայում ներդրել է ավելի քան 21 միլիարդ դոլար»։

Նախարարը նշել է, որ այս միջոցառումը կազմակերպվում է փոխադարձ ներդրումները մեծացնելու համար։