SOCAR-ը ընդլայնում է համագործակցությունը արաբական էներգետիկ ընկերությունների հետ

Բաքվում տեղի է ունեցել SOCAR-ի և TAQA Technologies-ի թոփ մենեջերների հանդիպում, որի ընթացքում քննարկվել է՝ Ադրբեջանում համատեղ հորատման լուծումների մեկնարկի ճանապարհային քարտեզը, հաղյտնում է Yenisafak-ը։
 
SOCAR-ի ներկայացուցիչ Ռուֆատ Ռզաևի խոսքով՝ TAQA Technologies-ի փորձը և ժամանակակից տեխնոլոգիական մոտեցումները կարող են էական դեր խաղալ ընկերության ինչպես նոր, այնպես էլ ընթացիկ նախագծերի իրականացման գործում։
 
«TAQA Technologies-ի փորձը և առաջադեմ լուծումները կօգնեն Ադրբեջանում իրականացնել նոր և ընթացիկ նախագծեր՝ կենտրոնանալով գործառնական արդյունավետության, առաջատար տեխնոլոգիական լուծումների և առևտրային մրցունակության վրա», - նշել է նա։ «Վստահ եմ, որ այս երկխոսությունը շուտով կվերածվի իրական համագործակցության և SOCAR-ի հորատման գործողություններին էական ներդրման», - հավելել է Ռզաևը։
 
2003 թվականին Սաուդյան Արաբիայում հիմնադրված TAQA Technologies-ը պատրաստ է մասնակցել ոչ միայն ավանդական էներգետիկ նախագծերին, այդ թվում՝ նավթի և գազի հետախուզման և արդյունահանմանը, այլև կանաչ էներգիայի նախաձեռնությունների զարգացմանը, որոնց վերաբերյալ  բանակցությունները տարվում են 2024 թվականից։
 
Կանաչ էներգիայի ոլորտում ընկերությունը մտադիր է գործունեություն ծավալել Ադրբեջանում՝ Արաբական Միացյալ Էմիրություններում գտնվող իր դուստր ձեռնարկության միջոցով։ Սա ներառում է՝ կանաչ էներգիայի ինտեգրման խթանումը Ադրբեջանի ազգային էներգետիկ ցանցում և արևային ու քամու էներգիայի կայանների կառուցումը։