Նախարար. Ադրբեջանում աշխատանքային պայմանագրերի 92 տոկոսը կնքվել է մասնավոր հատվածում

Վերջին յոթ տարիների ընթացքում Ադրբեջանում աշխատանքային պայմանագրերի 92 տոկոսը կնքվել է մասնավոր հատվածում։
 
Report-ի փոխանցմամբ, այս մասին հայտարարել է աշխատանքի և բնակչության սոցիալական պաշտպանության նախարար Անար Ալիևը՝ ելույթ ունենալով «Դայագ» մրցանակի հանձնման արարողության ժամանակ։
 
Նրա խոսքով՝ 2018-2025 թվականներին երկրում աշխատանքային պայմանագրերի թիվն աճել է 45%-ով կամ 595,000-ով։ «Երկրում աշխատավարձի ֆոնդն աճել է 3.2 անգամ, իսկ  ոչ պետական  հատվածում՝ 3.6 անգամ», - նշել է նախարարը։
 
Անար Ալիևը ընդգծել է, որ ձեռներեցության զարգացումը զգալի ներդրում է ունենում նոր աշխատատեղերի ստեղծման, նորարարությունների խթանման և բնակչության բարեկեցության  մակարդակի բարձրացման գործում։ Նա ընդգծել է, որ կայուն և մրցունակ տնտեսության ձևավորումը ուղղակիորեն կապված է ոչ միայն բիզնեսի զարգացման, այլև քաղաքացիների սոցիալական բարեկեցության հետ։
.
Նախարարը հիշեցրել է, որ նախագահ Իլհամ Ալիևի ղեկավարությամբ 2018 թվականից ի վեր երկրում իրականացվել է սոցիալական բարեփոխումների հինգ փաթեթ, որոնք ընդգրկում են մոտավորապես 4 միլիոն քաղաքացու, իսկ տարեկան լրացուցիչ ֆինանսական բեռը կազմում է 7,6 միլիարդ մանաթ։