Իրանն ու Ադրբեջանը քննարկել են՝ Աստարա ՄԱ-ով բեռնատարների երթևեկության պարզեցման և արագացման հարցը

Իրանն ու Ադրբեջանը համակարգել են՝ Աստարա մաքսային անցակետով բեռնափոխադրումների ավելացման համար իրենց գործողությունները։
 
Այս մասին Trend-ին հայտնել են Ադրբեջանում Իրանի դեսպանատնից։
 
Նշվել է, որ Ադրբեջանում Իրանի դեսպան Մուջթաբա Դեմիրչիլուն ծանոթացել է՝ ադրբեջանական Աստարա մաքսային սահմանային անցակետին և հանդիպել մաքսային ծառայության աշխատակիցների հետ։
 
Հանդիպմանը մտքերի փոխանակում է տեղի ունեցել՝ Աստարա մաքսային անցակետով բեռնատարների երթևեկության պարզեցման և արագացման վերաբերյալ։ Պայմանավորվածություն է ձեռք բերվել նաև՝ ավելացնել անցնող բեռնատարների թիվը և կրճատել արտահանման ապրանքների սպասման ժամանակը։