Ադրբեջանն ուսումնասիրում է Սերբիայի փորձը՝ կենտրոնացված ջեռուցման համակարգ ստեղծելու հարցում

«Ազերիստիլիքթեջհիզատ» ԲԸ-ն ուսումնասիրում է Բալկանյան և Արևելյան Եվրոպայի այլ երկրների մոդելները՝ Արևմտյան Եվրոպայի երկրների  կենտրոնացված ջերմամատակարարման փորձին  ծանոթանալուց հետո։
 
Ինչպես Report-ին հայտնել են  ԲԸ-ում՝ Ադրբեջանի Էներգետիկայի նախարարության, Էներգետիկ հարցերի  կարգավորման գործակալության և «Ազերիստիլիքթեջհիզատ» ԲԸ-ի ներկայացուցիչներից բաղկացած պատվիրակությունը գործնական այց է կատարել Սերբիա։
 
Այցի ընթացքում նրանք ծանոթացել են Եվրոպայի ամենամեծ ջերմաէլեկտրակայաններից մեկին՝ «Նոր Բելգրադին», ինչպես նաև Բելգրադ և Նովի Սադ քաղաքներում  տեղակայված մի շարք ջերմաէլեկտրակայաններին, կաթսայատներին, կոգեներացիոն  համակարգերինև ջեռուցման կետերին։
 
Պատվիրակությանը ներկայացվել են տարբեր նպատակների համար նախատեսված կաթսայատան և ցանցային սարքավորումներ, SCADA-ի վրա հիմնված թվային կառավարման համակարգեր, պարզաբանվել են՝ տեխնիկական շահագործման ռեժիմների և ջերմային էներգիայի վաճառքի կազմակերպման հետ կապված հարցերը։