Բաքվում հավաքվել են Ադրբեջանի և Թուրքիայի պետական մարմինների և գործարար շրջանակների ներկայացուցիչներ

Ադրբեջանի մայրաքաղաքում ընթանում է Ադրբեջանա-թուրքական 2-րդ ներդրումային ֆորումը, որը հավաքել է երկու երկրների պետական մարմինների և գործարար շրջանակների ներկայացուցիչների:

Report-ի փոխանցմամբ՝ միջոցառումն անցկացվում է Ադրբեջանի էկոնոմիկայի և Թուրքիայի առևտրի նախարարությունների, ինչպես նաև Ադրբեջանի արտահանման և ներդրումների խրախուսման գործակալության (AZPROMO) և Թուրք-ադրբեջանական գործարարների և արդյունաբերողների ասոցիացիայի (TÜİB) կազմակերպչական աջակցությամբ։

Ֆորումին մասնակցում են պաշտոնյաներ, պետական և մասնավոր կազմակերպությունների, գործարար ասոցիացիաների և Ադրբեջանի և Թուրքիայի առևտրաարդյունաբերական պալատների ներկայացուցիչներ։

Միջոցառման շրջանակներում նախատեսված են պանելային քննարկումներ՝ նվիրված միջտարածաշրջանային առևտրի զարգացմանը, էներգետիկ անցմանը, կայուն զարգացմանը և ենթակառուցվածքային նախագծերին, երկկողմ գործարար կապերի ընդլայնմանը և չորրորդ արդյունաբերական հեղափոխությանը: