Ադրբեջանն ու Սերբիան խորացնում են պաշտպանական արդյունաբերությունում համագործակցությունը

Սերբիայի մայրաքաղաք Բելգրադում  անցկացվում է «Զենքի և ռազմական տեխնիկայի գործընկեր-2025» 12-րդ միջազգային ցուցահանդեսը: Միջոցառմանը մասնակցում է՝ պաշտպանական արդյունաբերության փոխնախարար Հիդայաթ Ազիմովի գլխավորած Ադրբեջանի պատվիրակությունը:
 
Ինչպես Caliber.Az-ին հայտնել են նախարարությունից,  երկու տարին մեկ անցկացվող ցուցահանդեսում ներկայացված են՝ հրթիռային համակարգեր, ժամանակակից  հրաձգային զենքեր, ղեկավարվող և անօդաչու թռչող սարքեր, զրահապատ մեքենաներ, ռադիոէլեկտրոնային պայքարի միջոցներ և այլ ժամանակակից պաշտպանական արտադրանք:
 
Ցուցահանդեսի շրջանակներում Հիդայաթ Ազիմովը հանդիպել է՝ Սերբիայի պաշտպանության փոխնախարար Գորան Մոմչիլովիչի և «Yugoimport SDPR» պետական ​​ընկերության գործադիր տնօրեն Յուգոսլավ Պետկովիչի հետ: Կողմերը մտքեր են փոխանակել՝ պաշտպանական արդյունաբերության ոլորտում Ադրբեջանի և Սերբիայի միջև համագործակցության ներկայիս վիճակի, գործընկերային հարաբերությունների զարգացման հեռանկարների և երկկողմ հարաբերությունների ընդլայնման հնարավորությունների վերաբերյալ: