Բաքուն և Վաշինգտոնը քննարկել են՝ Ադրբեջանի տարածքային ամբողջականության նկատմամբ Հայաստանի հավակնությունների վերացման հարցը

Դեկտեմբերի 6-ին Ադրբեջանի փոխարտգործնախարար Էլնուր Մամեդովը հանդիպել է՝ ԱՄՆ պետքարտուղարի Եվրոպայի և Եվրասիայի հարցերով օգնականի տեղակալ Ջոշուա Հաքի գլխավորած պատվիրակության հետ։
 
Ինչպես Caliber.Az-ին հայտնել  են ԱԳՆ-ից, հանդիպմանը քննարկվել են՝ Ադրբեջանի և ԱՄՆ-ի միջև երկկողմ ու բազմակողմ համագործակցության հարցեր, ինչպես նաև Ադրբեջանի և Հայաստանի միջև հարաբերությունների կարգավորման գործընթացի հեռանկարները։
 
Նշվել է ամերիկա-ադրբեջանական կապերի նշանակությունը և երկկողմ հարաբերությունների զարգացման կարևորությունը՝ փոխադարձ շահերին համապատասխան։ Բարձր է գնահատվել՝ Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանի շրջանակներում Ադրբեջանի և ԱՄՆ-ի համագործակցությունը։
 
Էլնուր Մամեդովը հյուրերին տեղեկացրել է՝ հետհակամարտային շրջանում տարածաշրջանում տիրող իրավիճակի և խաղաղության պայմանագրի շուրջ բանակցությունների առաջընթացի մասին։ Նա ընդգծել է, որ բանակցային գործընթացում զգալի առաջընթաց կա, բայց նաև հիշեցրել է՝ Հայաստանի սահմանադրությունում և օրենսդրական ակտերում Ադրբեջանի տարածքային ամբողջականության և ինքնիշխանության նկատմամբ պահպանվող հավակնությունները և հայտարարել դրանց վերացման կարևորության մասին։