Հայտնի է դարձել ադրբեջանա-պակիստանյան միջկառավարական հանձնաժողովի նիստի օրը

Ադրբեջան-Պակիստան միջկառավարական հանձնաժողովի (ՄՀՆ) նիստը տեղի կունենա դեկտեմբերի 24-25-ը։
 
Ինչպես հաղորդում է Report-ը՝ պակիստանյան լրատվամիջոցներին հղումով, այս մասին հայտարարել է՝ Պակիստանի սեփականաշնորհման և ներդրումների նախարար Աբդուլ Ալիմ Խանը։
 
Նոյեմբերի 28-ին Ալիմ Խանը նախագահել է՝ ներդրումների և սեփականաշնորհման առաջընթացը գնահատելուն նվիրված  հանդիպմանը, որին տեսահոլովակի միջոցով մասնակցել է նաև՝ Ադրբեջանում Պակիստանի դեսպան Քասիմ Մոհիուդդինը:
 
«Դեսպանն ասել է, որ Ադրբեջանը շահագրգռված է ներդրումներ կատարել Պակիստանում՝ օգտագործելով G2G մոդելը և մասնակցել պետական ​​ձեռնարկությունների սեփականաշնորհմանը։ Նա հավելել է, որ Ադրբեջանը դիտարկում է՝ Պակիստանում M6 (Սուքքուր-Հայդերաբադ) և M9 (Կարաչի-Հայդերաբադ) երկու վեց գոտի ունեցող մայրուղիների կառուցմանը ներդրումներ կատարելու հնարավորությունը։ Ալիմ Խանն իր հերթին խնդրել է դեսպանին ավարտին հասցնել նախապատրաստական ​​աշխատանքները՝ մինչև պակիստանա-ադրբեջանական համատեղ հանձնաժողովի երկօրյա նիստը, որը կմեկնարկի դեկտեմբերի 24-ին»,- ասվում է տեղեկատվության մեջ։