Ռուսաստանի Դաշնությունն ակնկալում է, որ Բաքուն և Երևանը շուտով խաղաղության պայմանագիր կստորագրեն

Ռուսաստանը հուսով է, որ մոտ ապագայում Ադրբեջանի և Հայաստանի միջև խաղաղության պայմանագիր կստորագրվի։

Սա կարևոր քայլ կլինի՝ Հարավային Կովկասում կայուն խաղաղության հաստատման ուղղությամբ։ Ինչպես հայտնում է «Газета.Ru»-ն, այս մասին ասել է Բաքվում ՌԴ դեսպան Միխայիլ Եվդոկիմովը։

Նրա խոսքով, դատելով Ադրբեջանի և Հայաստանի իշխանությունների պաշտոնական հայտարարություններից, երկրների միջև խաղաղության պայմանագրի նախագիծը գործնականում համաձայնեցված է։