Թուրքիայում ավարտվել են ադրբեջանցի զինվորականների մասնակցությամբ զորավարժությունները

Թուրքիայի Կարս քաղաքում ավարտվել են ադրբեջանցի զինվորականների մասնակցությամբ՝ «Ձմեռ-2025» զորավարժությունները:
 
Ինչպես տեղեկացնում է Caliber.Az-ը, այս մասին հայտնել են  Թուրքիայի ազգային պաշտպանության նախարարությունում։
 
Գերատեսչությունում նշել են, որ զորավարժություններն անցկացվել են՝ եղանակային ծանր պայմաններում զինվորականների մարտական ​​հմտությունները ստուգելու, ինչպես նաև պատրաստվածության մակարդակը բարձրացնելու նպատակով։
 
«Բարեկամ և դաշնակից երկրների զինծառայողները, չնայած բարդ աշխարհագրական և եղանակային պայմաններին՝ ցուցադրել  են գերազանց արդյունքներ՝ ամբողջական ճշգրտությամբ ոչնչացնելով բոլոր թիրախները։ «Ձմեռ-2025» զորավարժությունները պլանին համապատասխան հաջողությամբ ավարտվել են»,- ասվում է հաղորդագրության մեջ։