Վարչապետ. Ադրբեջանում ստեղծվում է ռազմաարդյունաբերական կլաստեր

Ադրբեջանում աշխատանքներ են տարվում ռազմաարդյունաբերական կլաստեր ստեղծելու ուղղությամբ, որը կնպաստի երկրի արտահանման ներուժի աճին։
 
Report-ի փոխանցմամբ, այս մասին հայտարարել է վարչապետ Ալի Ասադովը՝ ելույթ ունենալով Միլլի Մեջլիսի լիագումար նիստում։
 
Կառավարության ղեկավարը կրկին նշել է, որ երկրի անվտանգության և պաշտպանական ներուժի ամրապնդումը՝ պետական ​​ծախսերի հիմնական ուղղություններից մեկն է։ Հաջորդ տարվա պետական ​​բյուջեի նախագծում՝ պաշտպանության և ազգային անվտանգության ծախսերը կազմում են բյուջետային բոլոր ծախսերի մոտ 21%-ը՝ 8,7 միլիարդ մանաթ։
 
Ասադովը ընդգծել է, որ Ադրբեջանի ռազմական արդյունաբերությունը արագ տեմպերով զարգանում է, և տարիներ շարունակ այս ոլորտում կատարվել են զգալի ներդրումներ։
 
«Այսօր Ադրբեջանը ռազմական արտադրանք է արտահանում մի շարք երկրներ։ Նախագահ Իլհամ Ալիևը նպատակ է դրել՝ ստեղծել արդյունաբերական կլաստեր, որը կբավարարի ինչպես ներքին պահանջարկը, այնպես էլ արտահանման ներուժը։ Այս ուղղությամբ համապատասխան աշխատանքներն արդեն ընթացքի մեջ են», - հայտարարել է վարչապետը։