Որպեսզի խաղաղություն տիրի, հայկական կողմը պետք է լուծի մի շարք հարցեր. ԱԱՀ

Տարածաշրջանում կայուն խաղաղություն հաստատելու համար հայկական կողմը պետք է ապահովի մի շարք հարցերի լուծում։

Ինչպես հայտնում է Caliber.Az-ը, այս մասին հայտարարել է Արևմտյան Ադրբեջանի համայնքը՝ մեկնաբանելով Բաքվի և Երևանի միջև խաղաղության պայմանագրի տեքստի շուրջ բանակցությունների ավարտը։

«Օրերս Հայաստանն ընդունեց փաստաթղթի բաց մնացած երկու հոդվածների վերաբերյալ Ադրբեջանի առաջարկները։ Սակայն սա բավարար չէ։ Տարածաշրջանում կայուն խաղաղություն հաստատելու համար հայկական կողմը պետք է ապահովի մի շարք այլ հարցերի լուծում, ներառյալ արևմտյան ադրբեջանցիների անվտանգ և արժանապատիվ վերադարձի համար պայմանների ստեղծումը, անարգել տարանցման պարտավորությունների կատարումը, սահմանադրությունից և օրենսդրությունից Ադրբեջանի դեմ տարածքային պահանջների բացառումը: Հայաստանը պետք է դիմի ԵԱՀԿ Մինսկի լուծարման համար, ճանաչի իր պատասխանատվությունը և փոխհատուցում վճարի ադրբեջանական հողերի բազմամյա օկուպացիայի համար, ադրբեջանցիների նկատմամբ, իր տարածքում վերացնի ինքնահռչակ ռեժիմի բոլոր «ինստիտուտները», վերջ դնի ռազմական հանցագործների հերոսացմանը: Մենք կոչ ենք անում միջազգային հանրությանը ճնշում գործադրել Հայաստանի վրա՝ լուծելու վերոնշյալ խնդիրները»,- ասվում է մեկնաբանության մեջ։