Ալեքսեյ Գոնչարենկո. ԵԽԽՎ-ն չի շահի ադրբեջանական պատվիրակության լիազորությունները վիճարկելուց

Եվրոպայի խորհրդի խորհրդարանական վեհաժողովում (ԵԽԽՎ) ադրբեջանական պատվիրակության լիազորությունները վիճարկելը դրական հետևանքներ չի ունենա հենց կազմակերպության համար։

Այս մասին Caliber.Az-ին հայտնել է՝ ԵԽԽՎ-ում Ուկրաինայի պատվիրակության անդամ Ալեքսեյ Գոնչարենկոն։

«Ես անձամբ չեմ պաշտպանել այս որոշումը վեհաժողովում»,- ասել է նա։

Գոնչարենկոն պարզաբանել է, որ որոշումը նախ կկայացնի մոնիտորինգի հանձնաժողովը, ապա վերջնականապես կհաստատվի վեհաժողովի նիստում։ Ադրբեջանի դեմ հիմնական փաստարկն այն է, որ երկիրը առաքելություն չի հրավիրել փետրվարի սկզբին նշանակված նախագահական ընտրությունները դիտարկելու համար։

Նրա խոսքով, իրավիճակի ելքը կանխատեսելը բավականին դժվար է. «Իրավիճակն իսկապես պարզ չէ»։