«ԱՄԷ-ի հետ համագործակցությունը Ադրբեջանի պաշտպանական արդյունաբերության առաջնահերթություններից է» Վուգար Մուստաֆաևը UMEX-2024-ում

Հունվարի 23-ին Աբու Դաբիում (Արաբական Միացյալ Էմիրություններ) մեկնարկել է UMEX-2024 ցուցահանդեսն ու կոնֆերանսը՝ նվիրված անօդաչու համակարգերին։ Ցուցահանդեսին մասնակցում է՝ պաշտպանական արդյունաբերության նախարար Վուգար Մուստաֆաևի գլխավորած ադրբեջանական պատվիրակությունը։

Ինչպես Caliber.Az-ին հայտնել են նախարարությունում, այցի շրջանակներում Վուգար Մուստաֆաևն այցելել է՝ Հալկոն, Ալ Թարիք, Լահաբ, Նիմր և Կարակալ ձեռնարկություններ, որոնք մտնում են Թավազուն արդյունաբերական պարկի մեջ, որը ԱՄԷ-ի ռազմաարդյունաբերական համալիրի հիմքն է կազմում։ Նա ծանոթացել է դրանց արտադրական հզորութուններին, ինչպես նաև քննարկել հետագա համագործակցության և փոխայցելությունների կազմակերպման հարցեր։

ԱՄԷ պաշտպանության հարցերով պետնախարար Մուհամեդ բին Մուբարաք Ֆադել ալ Մազրուիի և EDGE-ի խորհրդի նախագահ Ֆայսալ ալ Բաննայի հետ հանդիպմանը՝ Վուգար Մուստաֆաևը ընդգծել է, որ ԱՄԷ-ի հետ համագործակցությունը Ադրբեջանի պաշտպանական արդյունաբերության առաջնահերթ ուղղություններից մեկն է։ Վուգար Մուստաֆաևը հանդիպման մասնակիցներին հրավիրել է ADEX-2024 5-րդ միջազգային պաշտպանական ցուցահանդեսին, որը կանցկացվի Բաքվում։