Առավոտյան ժամը 3-ին ես անձամբ խոսել եմ Քյամիլ Զեյնալլիի հետ Դեսպան Բյուլբյուլօղլուն կապվել է Caliber.Az-ի հետ

«Դոմոդեդովո օդանավակայանում Ադրբեջանի քաղաքացի Քյամիլ Զեյնալլիի ձերբակալության մասին իմանալուն պես ես ոստիկանության գծային բաժին ուղարկեցի ՌԴ-ում Ադրբեջանի դեսպանատան հյուպատոսին և նրա տեղակալին։ Նրանք, ինչպես նաև մեր փաստաբանը, արդեն հանդիպել են Քյամիլին և մշտական կապի մեջ են նրա հետ»։

Այս մասին Caliber.Az-ի թղթակցին ասել է ՌԴ-ում Ադրբեջանի Հանրապետության դեսպան Փոլադ Բյուլբյուլօղլուն՝ մեկնաբանելով Մոսկվայում հայտնի ադրբեջանցի ֆիթնես մարզիչ Քյամիլ Զեյնալիի ձերբակալության մասին տեղեկությունը։

Դեսպանի խոսքով, Զեյնալլին ձերբակալվել է Հայաստանի հայցի հիման վրա։

«Հայցը նախաձեռնվել է դեռևս 2023 թվականի մայիսին ԱՊՀ շրջանակներում։ Հայկական կողմը նրան մեղադրանք է առաջադրում քրեական օրենսգրքի մի շարք հոդվածներով։

Մոսկվայի ժամանակով մոտավորապես ժամը երեքին ես անձամբ հեռախոսով խոսեցի Քյամիլի հետ և հայտնեցի, որ դեսպանությունն արդեն զբաղվում է նրա հարցով։ Այն, որ նրան կալանավորել են Հայաստանի հայցի հիման վրա, չի նշանակում, որ Զեյնալլիին օդանավ են նստեցնելու և անմիջապես ուղարկելու Երևան։ Ոչ, այդպես չի լինում: Հիմա սպասում ենք դատարանի որոշմանը, որը կպարզի, թե որքանով էր արդարացված հայկական կողմի հայցը»,- ասել է դեսպանը: