Բալաքենում հայտնաբերվել են ենթադրաբար ստալինյան բռնաճնշումների զոհերի գերեզմաններ ԼՈՒՍԱՆԿԱՐ

Բալաքենի շրջանի համանուն գյուղում Կատեխ գետի աջ ափին հայտնաբերվել են գերեզմաններ, որոնք ենթադրաբար թաղված են ստալինյան բռնաճնշումների զոհեր։

Ինչպես հայտնում է Caliber.Az-ը, դրանք հայտնաբերել են տեղի բնակիչները։

Ականատեսների վկայությամբ՝ նախկինում գերեզմանները ջրի տակ են եղել, սակայն ջրի մակարդակի բարձրացման պատճառով գետի հունը փոփոխության է ենթարկվել, ինչը թույլ է տվել հայտնաբերել դրանք։ Տարածքում տեսանելի է մոտ 50-60 գերեզման:

Պատմաբան Աքիֆ Մամեդլին Report-ի տեղական բյուրոյի թղթակցին ասել է, որ տարածքը պետք է ուսումնասիրվի:

«Տեղի բնակիչների խոսքով՝ այստեղ թաղված մարդիկ հավանաբար ստալինյան բռնաճնշումների զոհ են դարձել։ Կարծում եմ՝ Կատեխ գետի աջ ափին հնագիտական պեղումների կարիք կա»,- ասել է նա։