Բաքվում նեոգաղութատիրության դեմ պայքարին նվիրված միջազգային համաժողով կանցկացվի

Baku Initiative Group-ը (BIG) և Bonaire Movement for Human Rights and Change-ն այսօր Բաքվում միջազգային համաժողով կանցկացնեն՝ նվիրված Նիդեռլանդների գաղութ հանդիսացող Բոնեյր կղզում տիրող իրավիճակին։

Ինչպես հայտնում է Caliber.Az-ը, «Բոնեյր կղզու ինքնորոշման ուղին Բաքվում ՄԱԿ-ի Գլխավոր ասամբլեայի միջոցով» խորագրով համաժողովին կմասնակցեն՝ գաղութատիրության դեմ պայքարող Բոնեյր ժողովրդի ներկայացուցիչներ, ինչպես նաև պաշտոնատար անձինք՝ Բելիզից, Սենթ Վինսենթ և Գրենադիններից, Սուրինամից, Սենթ Լյուսիայից, Մեծ Բրիտանիայից, Մեքսիկայից, Նիդեռլանդներից, ՄԱԿ-ից և այլ միջազգային ու տարածաշրջանային կազմակերպություններից, իրավապաշտպաններ, ոչ կառավարական կազմակերպությունների ղեկավարներ, ապագաղութացման հարցերով փորձագետներ և հետազոտողներ:

Բացի այդ, համաժողովին կմասնակցեն՝ Սենթ Վինսենթի և Գրենադինների կառավարության հատուկ ներկայացուցիչը, ՄԱԿ-ում Բելիզի մշտական ներկայացուցիչը, ՅՈՒՆԻՍԵՖ-ի երիտասարդության հարցերով բանագնացը, «Կարիբյան համայնք» միջազգային կազմակերպության երիտասարդության դեսպանը, ՄԱԿ-ի աֆրիկյան ժողովուրդների հարցերով մշտական ֆորումի նախագահը և այլ բարձրաստիճան անձինքր:

Կոնֆերանսում կքննարկվե՝ն Բոնեյրի ժողովրդի պայքարը հոլանդական գաղութատիրությունից ազատագրվելու համար, ինչպես նաև այն աշխատանքները, որոնք տարվում են հարցը համապատասխան միջազգային կազմակերպությունների օրակարգ բերելու ուղղությամբ։