Բորել. Ադրբեջանի և ԵՄ-ի միջև ստորագրված հուշագիրը կկրկնապատկի գազի մատակարարումները Եվրոպա

Ադրբեջանի և ԵՄ-ի միջեւ ստորագրված փաստաթուղթը կամրապնդի համագործակցությունը էներգաարդյունավետության ոլորտում։

Այս մասին Բրյուսելում կայացած Ադրբեջան-Եվրամիություն համագործակցության խորհրդի 18-րդ նիստի արդյունքներով ասել է՝ ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը, հաղորդում է Caliber.Az-ը։

ԵՄ բարձր ներկայացուցիչը նշել է, որ փոխըմբռնման հուշագիրը մինչև 2027 թվականը կկրկնապատկի Ադրբեջանից գազի մատակարարումները Եվրոպա։

Բորելի խոսքով, հանդիպմանը քննարկվել է նաև Ադրբեջանի և ԵՄ-ի միջև նոր համաձայնագրի ստորագրման հարցը, որը «հիմք կդնի ապագա երկխոսության համար»:

ԵՄ բարձր ներկայացուցիչը նաև աջակցություն է հայտնել տնտեսության դիվերսիֆիկացմանն ուղղված Ադրբեջանի ջանքերին։