Զբոսաշրջիկների հոսքը դեպի Ադրբեջան գրեթե կրկնապատկվել է

2022 թվականի ապրիլին Ադրբեջան է այցելել 84 400 օտարերկրացի, ինչը 84 տոկոսով ավելի է նախորդ տարվա նույն ժամանակահատվածի համեմատ, հայտնում է Caliber.Az-ը՝ հղում անելով Ադրբեջանի Զբոսաշրջության պետական գործակալությանը։

Գործակալության տվյալներով՝ 2022 թվականի հունվար-ապրիլին Ադրբեջան այցելել է 330 679 օտարերկրյա քաղաքացի, ինչը 103 տոկոսով գերազանցում է նախորդ տարվա նույն ժամանակահատվածի ցուցանիշին (162 991)։  

2022 թվականի ապրիլին Ադրբեջան այցելած օտարերկրացիների թվով առաջին տասնյակում են Թուրքիան (27,1 հազար մարդ), Ռուսաստանը (19,1 հազար մարդ), Իրանը (13,3 հազար մարդ), Վրաստանը (5,8 հազար մարդ), Ուկրաինան (2 հազար մարդ), Ղազախստանը (1,8 հազար մարդ), Պակիստանը (1,4 հազար մարդ), Իսրայելը (1,3 հազար մարդ), Մեծ Բրիտանիան (1,2 հազար մարդ) և Գերմանիան (հազար մարդ):