ԶԼՄ-ներ. Փաշինյանի ներկայացրած քարտեզն ամբողջությամբ արտացոլում էր Ադրբեջանի տարածքային ամբողջականությունը

Ելույթ ունենալով Թբիլիսիի «Մետաքսի ճանապարհ» միջազգային ֆորումի բացման արարողության ժամանակ՝ Հայաստանի վարչապետ Նիկոլ Փաշինյանը ներկայացրել է տարածաշրջանային տրանսպորտային միջանցքների քարտեզը, որտեղ ամբողջովին պահպանվել է Ադրբեջանի տարածքային ամբողջականությունը։

Ինչպես հայտնում է Caliber.Az-ը, ՀՀ վարչապետի ներկայացրած քարտեզում ադրբեջանական տարածքներն արտացոլված են եղել ամբողջությամբ և առանց նախկին անջատողական կառույցին պատկանող անունների, քարտեզների կամ տեղանունների։

Վարչապետը տեղեկացրել է Հայաստանի հյուսիսով և հարավով անցնող երկաթուղային գծերի մասին։

Քարտեզում նշված էր նաև Ադրբեջանի հետ Զանգեզուրի միջանցքով երկաթուղային և ճանապարհային երթուղիների վերականգնման հնարավորությունը, ինչը կկրճատի Կասպից և Միջերկրական ծովերը կապող տրանսպորտային երթուղին: