Հայկական կողմը փորձում է արդարացնել իր անհաջողությունները. Այհան Հաջիզադե

Հայաստանը, անտեսելով ՄԱԿ-ի Անվտանգության խորհրդի՝ շուրջ 30 տարի Ադրբեջանի տարածքների օկուպացման հետ կապված որոշումները, 44-օրյա պատերազմի ավարտից հետո շարունակում է կոպտորեն խախտել միջազգային իրավունքի նորմերը և սկզբունքները, և վերջին շրջանում անում է անհիմն մանիպուլյատիվ քայլեր՝ չսահմանափակվելով ՄԱԿ-ի Անվտանգության խորհրդի նիստ գումարելով:

Caliber.Az-ի փոխանցմամբ՝ այս մասին հայտարարել է Ադրբեջանի արտաքին քաղաքական գերատեսչության մամուլի ծառայության ղեկավար Այհան Հաջիզադեն:

«Այն բանից հետո, երբ երկրի անտրամաբանական քայլերը ձախողվեցին ու արդյունք չտվեցին, հայկական կողմը փորձում է իր ապակառուցողական գործունեությունը հիմնավորել տարբեր պատրվակներով ու անհիմն հայտարարություններով։

Հայաստանի արտգործնախարարությունը պետք է կարգավորի հարաբերությունները հարևան երկրների հետ միջազգային իրավունքի հիման վրա և զերծ մնա տարածաշրջանում խաղաղությանը խոչընդոտող քայքայիչ գործողություններից», - ասված է հայտարարության մեջ։