Հրապարակվել է Գերմանիայի ԱԳՆ ղեկավարի Ադրբեջան այցի ծրագիրը
Հրապարակվել է Գերմանիայի արտգործնախարար Անալենա Բերբոքի Ադրբեջան այցի ծրագիրը։
Այս մասին Caliber.Az-ին հայտնել են Ադրբեջանում Գերմանիայի դեսպանատանը։
Գերմանիայի արտաքին գործերի դաշնային նախարար Անալենա Բերբոքը նոյեմբերի 3-4-ը կայցելի Երևան և Բաքու՝ բանակցությունների նպատակով։ Սա ԱԳ նախարարի առաջին այցն է Հայաստան և Ադրբեջան՝ 2023 թվականի գարնանը Վրաստան կատարած այցից հետո և երկրորդ այցն է Հարավային Կովկաս։
Գերմանացի նախարարը կհանդիպի՝ իր ադրբեջանցի գործընկեր Ջեյհուն Բայրամովի հետ, ապա համատեղ մամուլի ասուլիս կկայանա Ադրբեջանի ԱԳՆ-ում։
«Գերմանիան աշխատում է՝ կայուն խաղաղության, տարածաշրջանի քաղաքական և տնտեսական դիվերսիֆիկացման և ԵՄ-ի հետ սերտ ու լավ հարաբերությունների ուղղությամբ: Դրա համար տարածաշրջանում շատ կարևոր է վստահությունն ու հաշտեցումը։ Նպատակը համապարփակ բանակցային խաղաղությունն է, որպեսզի ադրբեջանցիներն ու հայերը կարողանան ապրել խաղաղ և անվտանգ իրենց ազգային սահմաններում։ Այդ նպատակով մենք աջակցում ենք եռակողմ բանակցությունների շուտափույթ վերսկսմանը՝ Եվրամիության խորհրդի նախագահ Շառլ Միշելի միջնորդությամբ և աջակցում ենք ցանկացած հարաբերություն, որը նպաստում է Հարավային Կովկասի ժողովուրդների խաղաղությանն ու կայունությանը», - հայտարարել է դեսպանատան մամուլի քարտուղար Մարսել Վիետորը:
editor@caliber.az
+994 55 444-88-98
Азербайджан, Баку, ул. Низами, 203, Af Business House, 5-й этаж