ՄԱԿ-ի գլխավոր քարտուղարը՝ Բաքվում COP29-ի անցկացումից իր ակնկալիքների մասին

ՄԱԿ-ի գլխավոր քարտուղար Անտոնիո Գուտերեշը հայտնել է իր ակնկալիքները Բաքվում COP29-ի անցկացման հետ կապված։

Ինչպես հաղորդում է Сaliber.Az-ը, Աստանայում «ՇՀԿ պլյուս» ձևաչափով հանդիպման ժամանակ ՄԱԿ-ի գլխավոր քարտուղար Անտոնիո Գուտերեշն ասել է, որ այս տարի կանցկացվի COP29-ը, և կլիմայի գլոբալ փոփոխությունը կանխելու համար քայլեր պետք է ձեռնարկել արդեն հիմա։

Գլխավոր քարտուղարի խոսքով՝ անհրաժեշտ է ավելի շատ միջոցներ հատկացնել կլիմայի փոփոխության դեմ պայքարին:

«COP29-ը ֆինանսական հարցերի վերաբերյալ հստակ ռազմավարության կարիք ունի։ Երկրորդ հարցը վերաբերում է արհեստական ինտելեկտին։ Մենք պետք է աշխատենք տեխնոլոգիական ընկերությունների և քաղաքացիական հասարակության ինստիտուտների հետ՝ նվազեցնելու արհեստական ինտելեկտի հետ կապված ռիսկերը: Մեզ պետք են այնպիսի մոտեցումներ, ինչպիսիք են միասնական շուկան և միասնական ինտերնետը: Համաշխարհային թվային պայմանագիրը շատ կարևոր է մեզ համար»: