Նախագահի օգնականը հանդիպել է ռուսական համայնքի ներկայացուցիչների հետ Մեհրիբան Ալիևայի միջամտությունից հետո

Ադրբեջանի Հանրապետության առաջին փոխնախագահ Մեհրիբան Ալիևայի հանձնարարությամբ՝ Ադրբեջանի նախագահի օգնական, նախագահի աշխատակազմի տարածքային և կազմակերպչական հարցերով բաժնի ղեկավար Զեյնալ Նաղդալիևի մասնակցությամբ, անցկացվել է՝ Սաբունչիի շրջանի Բալախանը գյուղում ռուսական գերեզմանատան ստուգում:

Ըստ Ազերթաջի՝ տեղում Զ.Նաղդալիևը հանդիպել է բնակիչների, այդ թվում՝ ռուսական համայնքի ներկայացուցիչների հետ։ Հանձնարարության համաձայն՝ տարածքի բարեկարգման աշխատանքներ են սկսվել, ջրամատակարարման համակարգի անցկացման հետ կապված դիմում է հղվել պատկան մարմիններին։ Բացի այդ, որոշվել է ավերված տապանաքարերը փոխարինել նորերով, իսկ անվտանգության նկատառումներով պարսպապատել գերեզմանատունը։

Նշենք, որ այս հարցի կապակցությամբ ՆԳՆ-ն քրեական գործ է հարուցել և հետաքննություն է սկսվել։