Նախարար. Զանգեզուրի միջանցքը հաջողությամբ տեղավորվում է Միջին միջանցքի երթուղու մեջ

Զանգեզուրի միջանցքը հաջողությամբ տեղավորվում է Միջին միջանցքի երթուղու մեջ։

Caliber.Az-ի փոխանցմամբ՝ այս մասին ասել է Ադրբեջանի թվային զարգացման և տրանսպորտի նախարար Ռաշադ Նաբիևը՝ պատասխանելով Հեյդար Ալիևի ծննդյան 100-ամյակին նվիրված՝ «Մեծ Եվրասիայի աշխարհաքաղաքականության ձևավորումը. անցյալից ներկա և ապագա» թեմայով միջազգային համաժողովի մասնակիցների հարցերին։

«Զանգեզուրի միջանցքը շատ առավելություններ ունի ոչ միայն Ադրբեջանի, այլև տարածաշրջանի այլ երկրների համար։ Այս միջանցքի բացումից կարող են շահել տարածաշրջանի բոլոր երկրները, այդ թվում՝ Հայաստանը, եթե ցանկանա»,- հավելել է նախարարը։

Նրա խոսքով՝ տվյալ միջանցքը կապահովի բեռների ավելի արագ փոխադրում, և դա տարանցման ամենահարմար ճանապարհն է: