Կարտահանվի՞ ադրբեջանական սև խավիարը ԵՄ

Ադրբեջանը շուտով կարող է սկսել սև խավիարի արտահանումը Եվրամիության երկրներ։

Այս մասին «Report»-ին հայտնել է «Ադրբեջանի ձկնարտադրողների և վերամշակողների ասոցիացիա» հասարակական միավորման խորհրդի նախագահ Զաուր Սալմանլըն։

Նրա խոսքով՝ ԵՄ մատակարարումները կարող են սկսվել 2025-2026 թվականների սահմանագծին. «Ներկայումս այս առումով բանակցություններ են ընթանում, կապեր են հաստատվում։ Հուսով եմ, որ 2026 թվականից մենք կկարողանանք լիարժեք օգտվել Գյուղատնտեսության նախարարության կողմից տրամադրվող աջակցությունից։ Այս աջակցության մեխանիզմները ներառում են հարկերին ազատում, տեխնիկական աջակցություն և այլ մեխանիզմներ»։

Սալմանլըն հավելել է, որ Ադրբեջանում ներկայումս ինտենսիվորեն իրականացվում է ձկնաբուծարանների գրանցումը. «Գրանցումից հետո կորոշվի դրանց կառավարման մեխանիզմը»։

2024 թվականին ձկան որսի ծավալը 2023 թվականի համեմատ աճել է 1.2%-ով՝ հասնելով 67,299 հազար տոննայի։