Moody's. ՄՖՀ-ները կարող են կրճատել Ադրբեջանում կլիմայական նախագծերի ֆինանսավորման բացը

Միջազգային ֆինանսական հաստատությունները (ՄՖՀ) կարող են կարևոր դեր խաղալ՝ Ադրբեջանում կլիմայական հարմարվողականության միջոցառումների ֆինանսավորման բացը կրճատելու գործում։
 
Այս մասին հաղորդում է Caliber.Az-ը՝ հղում անելով Moody's միջազգային վարկանիշային գործակալության զեկույցին։
.
Moody's-ը նշում է, որ մասնավոր ներդրումների աճին զուգընթաց, վերջին տասնամյակում Կենտրոնական Ասիայի և Կովկասի երկրներում կլիմայական նախագծերի համար վարկավորումը զգալիորեն ավելացրել են հատկապես բազմակողմ և երկկողմ զարգացման բանկերը։
 
Փաստաթղթում ընդգծվում է, որ չնայած կլիմայի փոփոխության հետ կապված ծախսերի հիմնական բեռը կընկնի կառավարությունների և մասամբ մասնավոր հատվածի վրա, ՄՖՀ-ների մասնակցությունը կօգնի կրճատել ֆինանսավորման բացը և նվազեցնել այնպիսի պետությունների ինքնիշխան վարկունակության ռիսկերը, ինչպիսիք են Ադրբեջանը և Ուզբեկստանը։