Իզմիրում տեղի կունենա Ադրբեջան-Թուրքիա չորրորդ էներգետիկ ֆորումը

Իզմիրում սեպտեմբերի 4-ին տեղի կունենա Ադրբեջան-Թուրքիա չորրորդ էներգետիկ ֆորումը։

Ինչպես հաղորդում է Caliber.Az-ը, այս մասին հայտնել են Էներգետիկայի նախարարությունից։

Ինչպես հայտարարել են նախարարությունից, ֆորումին կմասնակցեն Ադրբեջանի էներգետիկայի նախարար Փարվիզ Շահբազովը և Թուրքիայի էներգետիկայի և բնական պաշարների նախարար Ալփարսլան Բայրաքթարը։

«Ֆորումի շրջանակներում նախատեսվում է քննարկել ածխաջրածինների և նավթաքիմիայի, վերականգնվող էներգիայի աղբյուրների, էներգաարդյունավետության, կարգավորման, հանքարդյունաբերության և այլ ոլորտների հարցեր, ինչպես նաև ստորագրել արձանագրություն», - ասվում է տեղեկատվության մեջ։