ՊԱԾ-ը շարունակում է ջախջախել իրանական ագենտուրան ՏԵՍԱՆՅՈՒԹ

Ադրբեջանում Իրանի լրտեսական ցանց է բացահայտվել, ձերբակալվել է հինգ մարդ

Պետական անվտանգության ծառայությունից Caliber.Az-ին հայտնել են, որ ձեռնարկված միջոցառումների արդյունքում պարզվել է, որ Ասկերով Զահիր Ֆախրեդդին օղլուն, ով աշխատել է որպես Կասպից ծովի նավթային նավատորմի նավի նավապետ, իրանական Գում քաղաքում կրոնական կրթություն ստանալիս նյութական շահի դիմաց ներգրավվել է այդ երկրի հատուկ ծառայությունների ներկայացուցիչների հետ գաղտնի համագործակցության մեջ։

Անցած ժամանակահատվածում նրանց հանձնարարությամբ տեղեկություններ է հավաքել Ադրբեջանում գործող օտարերկրյա պետությունների ընկերությունների և ներկայացուցչությունների, Կասպից ծովում Ռազմածովային ուժերի զորավարժությունների տեղի և ժամանակի, նավթային հարթակներ տեղափոխվող բեռների մասին։ Այսպիսով, Ասկերովը զբաղվել է լրտեսությամբ, նշված տեղեկությունները փոխանցել է բջջային հեռախոսով, ինչպես նաև անմիջականորեն Իրանում այդ անձանց հետ հանդիպումների ժամանակ։

Հետաքննության արդյունքում WhatsApp հավելվածում հայտնաբերվել են «Müzakirələr», «Elanlar» և այլ անուններով խմբեր, որոնցում ներգրավված են եղել Ադրբեջանի քաղաքացիներ։ Նրանք գործել են Իրանում թաքնված և քրեական պատասխանատվությունից խուսափող Թոհիդ Իբրահիմբեյլիի, Օրխան Մամեդովի, Էլշադ Հաջիևի ազդեցության տակ։

Հայտնի է դարձել, որ այդ խմբերի միջոցով տարածվել են արմատական, կրոնական ծայրահեղական գաղափարներ, որոնք հակասում են ժամանակակից միջազգային իրավունքին, մարդու իրավունքներին, Ադրբեջանի Հանրապետության Սահմանադրությանը։

Պետական անվտանգության ծառայությունը շարունակում է համալիր քննչական և օպերատիվ միջոցառումները։