ՊՆ.Ադրբեջանական բանակը կրակ չի բացել Գըրմըզը բազարի ուղղությամբ

Ադրբեջանի Պաշտպանության նախարարությունը հերքել է՝ ռուս խաղաղապահների ժամանակավոր վերահսկողության տակ գտնվող տարածքներում հրադադարի համաձայնագրի խախտման մասին պնդումները։

Caliber.Az-ի փոխանցմամբ՝ այս մասին ասվում է նախարարության ֆեյսբուքյան էջում.

«Հայկական մամուլում տարածված այն տեղեկությունը, թե իբր ադրբեջանական բանակի ստորաբաժանումները կրակ են բացել Խոջավենդի շրջանի Գըրմըզը բազար գյուղի ուղղությամբ, սուտ է և չի համապատասխանում իրականությանը»։