Տեղի է ունեցել թյուրքալեզու պետությունների հատուկ ծառայությունների խորհրդաժողովի նիստը

Հուլիսի 26-ին Ղրղզստանի Չոլպոն-Աթա քաղաքում տեղի է ունեցել թյուրքալեզու պետությունների հատուկ ծառայությունների խորհրդաժողովի XXIV նիստը։

Ինչպես Сaliber.Az-ին հայտնել են Ադրբեջանի Պետական անվտանգության ծառայությունում (ՊԱԾ), միջոցառմանը ՊԱԾ պետ, գեներալ-գնդապետ Ալի Նաղիևի գլխավորած պատվիրակությունից բացի, մասնակցել են նաև Թուրքիայի, Ղրղզստանի, Ղազախստանի և Ուզբեկստանի հատուկ ծառայությունների ղեկավարները և այլ ներկայացուցիչներ։ Նիստում լսվել են թյուրքալեզու պետությունների անվտանգության կազմակերպությունների ղեկավարների զեկույցները։

Ադրբեջանի Պետական անվտանգության ծառայության պետ Ալի Նաղիևն իր ելույթում գոհունակությամբ նշել է, որ իր ղեկավարած կազմակերպության նախաձեռնությունը՝ միանալու Թյուրքալեզու պետությունների կազմակերպության խորհրդաժողովին, աջակցություն է ստացել անդամ երկրների կողմից և այս հանդիպմանը ստորագրվելու է մտադրությունների արձանագրություն: Նա նաև առաջարկել է վերափոխել կազմակերպության անվանումը «Թյուրքական պետությունների հատուկ ծառայություններ»: