Օլիվեր Վարհեին և Հիքմեթ Հաջիևը քննարկել են ԵՄ-ի և Ադրբեջանի միջև գործընկերությունը ԼՈՒՍԱՆԿԱՐ

Եվրոպական հանձնաժողովի ընդլայնման և հարևանության քաղաքականության հարցերով հանձնակատար Օլիվեր Վարհեին Ադրբեջանի Հանրապետության նախագահի օգնական Հիքմեթ Հաջիևի հետ քննարկել է ԵՄ-ի և Ադրբեջանի միջև գործընկերությունը։

Ինչպես տեղեկացնում է Caliber.Az-ը, այս մասին իր թվիթերյան էջում գրել է Օլիվեր Վարհեին։

«Այսօր Բաքվում հանդիպել եմ Հիքմեթ Հաջիևի հետ։ Հարավային գազային միջանցքի խորհրդատվական խորհրդի նիստի նախաշեմին մենք խոսեցինք ԵՄ-ի և Ադրբեջանի միջև էներգետիկ գործընկերության, էներգետիկ անվտանգության կարևորության մասին, քննարկեցինք մեր գործընկերության ամրապնդումը Տնտեսական և ներդրումային ծրագրի շրջանակներում, խոսեցինք Հարավային Կովկասի և ԵՄ-ի աջակցության մասին»,- ասվում է գրառման մեջ։

Good meeting with @HikmetHajiyev in Baku today. Ahead of Southern Gas Corridor Advisory Council we spoke of EU-Azerbaijan energy partnership+importance of energy security; discussed reinforcing our partnership under Economic&Investment Plan; spoke of South Caucasus & EU support. pic.twitter.com/lJEDmXAA9L

— Oliver Varhelyi (@OliverVarhelyi) February 3, 2022