Ադրբեջանը կարող է դառնալ ՏՀՏ արտադրանքի արտահանման հանգույց

Ադրբեջանի կառավարությունն աշխատում է երկիրը վերածելու ՏՀՏ արտադրանքի արտահանման կենտրոնի։

Ինչպես հաղորդում է Caliber.Az-ը, այս մասին Բաքվում «InMerge Innovation Summit»-ի բացման արարողության ժամանակ ասել է՝ թվային զարգացման և տրանսպորտի նախարար Ռաշադ Նաբիևը։

«ՏՀՏ արտադրանքի արտահանման կենտրոնի հետ մեկտեղ պետք է միջոցներ ձեռնարկել՝ աութսորսինգի, ինովացիոն հանգույցի և բիզնեսի կենտրոնի ուղղությամբ։ Սովորաբար, մեծ բնակչություն ունեցող շատ երկրներ դառնում են բիզնես կենտրոններ: Սակայն Ադրբեջանին՝ իր սակավաթիվ բնակչության և դեպի Համաշխարհային օվկիանոս ուղիղ ելքի բացակայության պատճառով ավելի շահավետ է նորարարության կենտրոն դառնալը։ Այս առումով մենք պետք է ներգրավենք նաև միջազգային հանրությանը, ինչի համար պետք է ունենանք իրավական դաշտ»,- նշել է նա։