Ադրբեջանն ու Թուրքիան ընդլայնում են համագործակցությունը գյուղատնտեսական հետազոտությունների ոլորտում

Ադրբեջանը և Թուրքիան՝ գյուղատնտեսության հետազոտությունների և մշակումների ոլորտում համագործակցության մտադրության մասին հռչակագիր են ստորագրել, հաղորդում է Caliber.Az-ը։

Ինչպես հաղորդում է Ադրբեջանի գյուղատնտեսության նախարարությունը, հռչակագիրը ստորագրվել է՝ թուրք-ադրբեջանական գյուղատնտեսական գործադիր կոմիտեի 11-րդ նիստի շրջանակներում։

Հռչակագիրը ստորագրել են ԱՀ գյուղատնտեսության նախարարությունը և Թուրքիայի Հանրապետության գյուղատնտեսության և անտառային տնտեսության նախարարությունը։

Նշվում է, որ նիստում կողմերը քննարկել են՝ գյուղատնտեսության ոլորտում երկու երկրների համագործակցության ներկա վիճակը և ընդլայնումը։

Ադրբեջանի գյուղատնտեսության նախարար Մեջնուն Մամեդովը նշել է, որ Թուրքիայի Հանրապետությունը Ադրբեջանի հուսալի գործընկերն է ինչպես գյուղատնտեսության ոլորտում, այնպես էլ բոլոր ոլորտներում։