Ադրբեջանում հիմնական կապիտալում ներդրվել է 9,4 մլրդ մանաթ

Ընթացիկ տարվա հունվար-հուլիսին՝ Ադրբեջանում հիմնական կապիտալում ներդրվել է 9 մլրդ 438,7 մլն մանաթ, ինչը 2%-ով ավելի է նախորդ տարվա նույն ժամանակահատվածի համեմատ։

Ինչպես հաղորդում է Caliber.Az-ը՝ վկայակոչելով Պետական վիճակագրական կոմիտեին, տարվա ընթացքում նավթագազային հատվածում ներդրումներն աճել են 0,4%-ով, իսկ ոչ նավթագազային հատվածում՝ 2,9%-ով։

Հաշվետու ժամանակահատվածում կատարված ներդրումների 4 մլրդ 914,8 մլն մանաթը, կամ 52,1%-ը բաժին է ընկել արտադրական ոլորտներին, 3 մլրդ 404,4 մլն մանաթը, կամ 36,1%-ը՝ սպասարկման, 1 մլրդ 119,5 մլն մանաթը, կամ 11,8%-ը՝ բնակելի տների կառուցմանը։

Հիմնական կապիտալին ուղղված ներդրումների 7 մլրդ 728,6 մլն մանաթը, կամ 81,9%-ը կազմել են ներքին ներդրումները, 6 մլրդ 632,7 մլն մանաթը, կամ 70,3%-ը ուղղվել են շինմոնտաժային աշխատանքներին։