ԱԿԲ. Ադրբեջանում աճում է անկանխիկ արտարժույթի շուկայի ծավալը

Ադրբեջանի անկանխիկ արտարժույթի շուկայի ծավալը՝ 2024 թվականի հունվար-հունիսին կազմել է 17,8 մլրդ դոլարին համարժեք դրամ, ինչը 32,8%-ով ավելի է նախորդ տարվա նույն ժամանակահատվածի համեմատ։

Ինչպես հաղորդում է Caliber.Az-ը, այս մասին հայտնում է Ադրբեջանի Կենտրոնական բանկը՝ դրամավարկային քաղաքականության իր եռամսյակային ակնարկում։

«2024 թվականի 6 ամիսների ընթացքում անկանխիկ արտարժույթի շուկայում գործարքների ծավալը կազմել է 17,8 մլրդ ԱՄՆ դոլար։ Արտարժույթի անկանխիկ գործարքների 81%-ն իրականացվել է ԱՄՆ դոլարով, 19%-ը՝ այլ արժույթներով»,- նշվում է տեղեկատվության մեջ։

Միաժամանակ արտարժույթի գործարքների 28%-ն իրականացվել է արտարժույթի միջբանկային շուկայում, իսկ 72%-ը՝ արտարժույթի ներբանկային շուկայում։