Կայացել է ադրբեջանա-ռուսական տնտեսական համագործակցության միջկառավարական հանձնաժողովի նիստը

Օգոստոսի 9-ին Բաքվում կայացել է՝ Ադրբեջանի Հանրապետության և Ռուսաստանի Դաշնության միջև տնտեսական համագործակցության միջկառավարական հանձնաժողովի 22-րդ նիստը։

Ինչպես հայտնում է Caliber.Az-ը՝ վկայակոչելով Նախարարների կաբինետի մամուլի ծառայությանը, հանդիպմանը, որը անցկացվել է՝ Ադրբեջանի փոխվարչապետ Շահին Մուստաֆաևի և ՌԴ փոխվարչապետ Ալեքսեյ Օվերչուկի նախագահության ներքո, մասնակցել են նաև երկու երկրների համապատասխան պետական մարմինների ղեկավարներ և լիազոր ներկայացուցիչներ։

Հանդիպման ընթացքում գոհունակություն է հայտնվել՝ ադրբեջանա-ռուսական հարաբերությունների համակողմանի զարգացման կապակցությամբ՝ հիմնված բարեկամության և բարիդրացիության դարավոր ավանդույթների վրա։

Նշվել է, որ Ադրբեջանի և Ռուսաստանի նախագահների քաղաքական կամքի և վստահության հարաբերությունների շնորհիվ՝ միջպետական կապերն այսօր գնալով ամրապնդվում են ռազմավարական գործընկերության և փոխշահավետ համագործակցության ոգով։

Ընդգծվել է նաև, որ բազմակողմ ռազմավարական գործընկերությունն ապահովված է ամուր իրավական դաշտով, որը ներառում է ավելի քան 260 ստորագրված փաստաթուղթ։