Շահբազովը՝ Կասպից ծովից մինչև ԵՄ կանաչ էներգետիկ միջանցքի ստեղծման մասին

Նախատեսվում է Կասպից ծովից մինչև Եվրամիություն կանաչ էներգետիկ միջանցք ստեղծել։

Ինչպես հաղորդում է Caliber.Az-ը, այս մասին հայտարարել է Ադրբեջանի էներգետիկայի նախարար Փարվիզ Շահբազովը՝ ելույթ ունենալով ԱՄԷ-ում կանաչ ջրածնի հարցով II տարեկան գագաթնաժողովում։

«Այժմ մենք ծրագրում ենք Կասպից ծովից մինչև Եվրամիություն կանաչ էներգետիկ միջանցք ստեղծել։ Միաժամանակ մենք ունենք ևս մեկ կարևոր նախագիծ, որը մեզ կապում է Կենտրոնական Ասիայի երկրների հետ: Ուզբեկստանը, Ղազախստանը և Ադրբեջանը միավորվել են ևս մեկ կանաչ էներգետիկ միջանցք կառուցելու համար, որտեղ կանաչ ջրածինը կարևոր բաղադրիչներից մեկն է»,- ասել է նա։

Նախարարի խոսքով, դեռ շատ անելիքներ կան, որպեսզի ջրածինը դառնա նշանակալից գործոն վերականգնվող էներգիայի լիարժեք անցման համար: