Փոխնախարար- Մենք նպատակ ունենք կրճատել գյուղի և քաղաքի զարգացման մակարդակի տարբերությունը

Ադրբեջանի ռազմավարական զարգացման նոր փուլում խնդիր է դրված ուժեղացնել ազգային տնտեսության մրցունակությունը, նորարարական կողմնորոշումը և ֆինանսական կայունությունը, հասնել ներառական և կայուն տնտեսական աճի` նվազեցնելով գյուղի և քաղաքի զարգացման մակարդակի միջև տարբերությունը:

Ինչպես հաղորդում է Caliber.Az-ը, այս մասին՝ Աղդամում անցկացվող Ադրբեջանի քաղաքաշինության ազգային ֆորումում ասել է՝ տնտեսության փոխնախարար Էլնուր Ալիևը։

Նրա խոսքով, քաղաքային և գյուղական բնակչության կենսամակարդակի բարելավման համար անհրաժեշտ է համապարփակ քաղաքականություն. «Միայն համապարփակ միջոցառումների միջոցով կարելի է նվազեցնել քաղաքի և գյուղի կենսամակարդակի միջև եղած անջրպետը»:

«Ադրբեջանի ներառական զարգացման երկարաժամկետ մոդելի համաձայն՝ հիմնական նպատակն է ազատագրված տարածքներում ժամանակակից արտադրական ենթակառուցվածքի ստեղծումը, ժամանակակից տեխնոլոգիաների կիրառմանն ուղղված ներդրումների ներգրավումը և տարածաշրջանի ներուժի արդյունավետ իրացումը։ Այդ նպատակով ազատագրված տարածքների արդյունաբերական պարկերում ստեղծվել են բոլոր պայմանները ձեռնարկատերերի համար»,- հավելել է փոխնախարարը։