Անջելինա Ալեն. ԱՄՆ ՄԶԳ-ն մեծ նշանակություն է տալիս Ադրբեջանի հետ գործընկերությանը

Միացյալ Նահանգների միջազգային զարգացման գործակալությունը (USAID) մեծ նշանակություն է տալիս Ադրբեջանի կառավարության հետ մշտական գործընկերությանը։

Сaliber.Az-ը հայտնում է, որ այս մասին ԱՄՆ ՄԶԳ առաքելության տնօրենի պաշտոնակատար Անջելինա Ալենը հայտարարել է՝ Հանրային վերահսկողության առցանց հարթակի (www.enezaret.az) ծրագրի եռամսյակային (2022թ. դեկտեմբեր - 2023թ. փետրվար) արդյունքների վերաբերյալ կլոր սեղանի ժամանակ:

ԱՄՆ ՄԶԳ-ն կշարունակի աջակցել հանրային մասնակցության ուժեղացմանն ուղղված ջանքերին, ասել է նա:

«Հանրային վերահսկողության առցանց հարթակը կարևոր մեխանիզմ է կառավարության հետ միասին հասարակության խնդիրները լուծելու համար։ Հարթակը մեծ աջակցություն է ստանում ինչպես կառավարության, այնպես էլ համապատասխան կառույցների կողմից։

Եթե նայեք հարթակ եկող հարցումների լուծմանը, կարող եք տեսնել աճող դինամիկան։ Հասարակության մասնակցությունը և քաղաքացիական ներգրավվածությունը կարևոր են Ադրբեջանի քաղաքացիների համար։ Մենք տեսնում ենք, որ քաղաքացիների և պետական կառույցների հասարակական ակտիվության աճի հետ մեկտեղ աճում է նաև խնդիրների լուծման դինամիկան»,- ասել է Ա.Ալենը։