Չինական JinkoSolar-ը մոդուլներ կմատակարարի Ադրբեջանում կառուցվող արևային էլեկտրակայանի համար

Չինական JinkoSolar ֆոտոէլեկտրական ընկերությունը, որը աշխարհի խոշորագույն արևային վահանակներ (մոդուլներ) արտադրողներից մեկն է, մոդուլներ կմատակարարի Ադրբեջանում 100 ՄՎտ հզորությամբ արևային էլեկտրակայանի նախագծի համար։

Այս մասին հաղորդում է Report-ը՝ հղում անելով ընկերության հաղորդագրությանը։

«JinkoSolar-ը պայմանագիր է կնքել Universal Energy-ի հետ՝ Գոբուստանի արևային էլեկտրակայանի կառուցման նախագծի համար մոդուլներ մատակարարելու համար: Նախագծի իրականացման ժամանակ կօգտագործվեն JinkoSolar-ի կողմից մշակված TOPCon N տիպի մոդուլներ: Այս գործընկերությունը ընդգծում է JinkoSolar տեխնոլոգիաների ճանաչումը բարդ (եղանակային) պայմաններում և ամրապնդում է ընկերության դիրքերը որպես առաջատար համաշխարհային ֆոտոէլեկտրական համակարգերի շուկայում», - ասվում է հաղորդագրության մեջ:

Ընկերությունում նշել են, որ նախագիծն իրականացվում է բարդ կլիմայական պայմաններ ունեցող տարածքում. ամռանը ջերմաստիճանը հասնում է 45°C-ի, հաճախ լինում են ուժեղ քամիներ, փոշե փոթորիկներ և բարձր աղիություն։