Բայրաքթար. Շաֆագ-Ասիման համաձայնագիրը նոր մակարդակի կբարձրացնի Ադրբեջանի հետ համագործակցությունը

Թուրքիայի նավթային կորպորացիայի (TPAO) կողմից ադրբեջանական Շաֆագ-Ասիման հանքավայրի 30% բաժնեմասը ձեռք բերելու համաձայնագիրը՝ զգալի ներդրում կլինի Թուրքիայի էներգետիկ անվտանգության ամրապնդման գործում։
 
Ինչպես հաղորդում է Caliber.Az-ը, այս մասին հայտարարել է Թուրքիայի էներգետիկայի և բնական պաշարների նախարար Ալփարսլան Բայրաքթարը՝ սոցիալական ցանցում իր հաղորդագրության մեջ։
 
Նախարարի խոսքով՝ այս նախագծի շրջանակներում գործընկերությունը թույլ կտա՝ Թուրքիայի և Ադրբեջանի միջև էներգետիկ ոլորտում ռազմավարական համագործակցությունը հասցնել որակապես նոր մակարդակի։
 
«Մեր ազգային նավթային ընկերության՝ TPAO-ի մուտքը Շաֆագ-Ասիման նախագիծ՝ 30% բաժնեմասով, կարևոր քայլ է, որը ոչ միայն կամրապնդի Թուրքիայի էներգետիկ անվտանգությունը, այլև զգալի ներդրում կունենա տարածաշրջանային համագործակցության զարգացման գործում», - ընդգծել է Ալփարսլան Բայրաքթարը։