BP-ն ընդլայնում է գազի արտադրությունը Ադրբեջանում. նոր հորատանցք՝ 2026 թվականին

BP-ն նախատեսում է երկրորդ խորը գազային հորատանցքը շահագործել Ազերի-Չիրագ-Գյունեշլի (ACG) հանքավայրերի բլոկում 2026 թվականի մայիսին։

Այս մասին հայտարարել է ընկերության Ադրբեջանի, Վրաստանի և Թուրքիայի տարածաշրջանային նախագահ Գարի Ջոնսը Platts-ին տված հարցազրույցում։

Նրա խոսքով՝ առաջին հորատանցքից կսկսեն գազ ստանալ մինչև 2025 թվականի վերջը։ Բլոկում գազի ազատ պաշարների նպատակային ծավալը գնահատվում է 4 տրիլիոն խորանարդ մետր։ Ջոնսը նշել է, որ նոր պաշարները կաջակցեն Շահդենիզ հանքավայրից գազի արտահանմանը։

Նա ընդգծել է, որ BP-ն ձգտում է մեծացնել տարածաշրջանի ռեսուրսային բազան և էներգետիկ համագործակցություն հաստատել Կասպյան տարածաշրջանի այլ երկրների հետ։ Առաջնահերթությունների թվում են Շաֆագ-Ասիմանի և խորը գազի նախագծերը Ազերթի-Չիրագ-Գյունեշլի հանքավայրերի բլոկում։