BP-ի փոխնախագահը՝ «Ղարաբաղ» հանքավայրում գազի պաշարների յուրացման մասին

«Ղարաբաղ» հանքավայրում նավթի արդյունահանումից բացի, բրիտանական BP ընկերությունը նախատեսում է ապագայում քննարկել՝ այնտեղ հայտնաբերված գազի պաշարների յուրացման հնարավորությունը։
 
Ինչպես հաղորդում է Report-ը, այս մասին հայտարարել է BP-ի՝ Ադրբեջանի, Վրաստանի և Թուրքիայի տարածաշրջանում ֆինանսների գծով փոխնախագահ Քոլին Ալանը՝ Բաքվի 30-ամյա հոբելյանական էներգետիկ ֆորումի ժամանակ։
 
«Այս շաբաթ մենք հայտարարեցինք «Ղարաբաղ» նախագծին միանալու ընթացակարգի ավարտի մասին։ Չնայած մենք ներկայումս հիմնականում կենտրոնացած ենք հանքավայրի նավթային մասի [պաշարների] վրա, այստեղ նույնպես գազի պաշարներ են հայտնաբերվել, և մենք ապագայում կքննարկենք դրանց  մշակման հնարավորությունները», - նշել է նա։